Created by Om Gaikwad

Posts

फुलपाखरू

फुलपाखरू............. रंग काळा नभ नी लागला पसरू.... रंग काळा नभ नी लागला पसरू.... बेधुंद बागडणारं , स्वच्छंद खेळणारं , सांगा कुठे हरवलं फुलपाखरू!!!!!!! सांगा कुठे हरवलं फुलपाखरू !!!!!!!!! जिथे तिथे जागेसाठी जंगले कापली.... पाऊस पडेना झाला, धरती तापली..... नाश वेढे कारखाने वाढले , धूर, धुकं , धुरीमध्ये धरती माखली.... हे!!!!!! प्राण धरतीचा गईवरला रे, प्राण वायू गुदमरला रे... पाण्यासाठी जीव कावरला रे!!!! पोत मातीचा घालवला रे... देह नदीचा नासवला रे.... दैत्य कुणी हा जागवला रे!!!!! जीवघेणा विषारी वारा लागला पसरू... जीवघेणा विषारी वारा लागला पसरू... बेधुंद बागडणारं , स्वच्छंद खेळणारं सांगा कुठे हरवलं फुलपाखरू.... सांगा कुठे हरवलं फुलपाखरू....... lyrics by_Om Gaikwad

मनातील चित्रं

काही दिवसापासून एक वेगळेच चित्र मनात येतयं, माहीत नाही पण स्पष्ट दिसत नाहीये... भास होतोय ते चित्र आपलंच आहे. पण ती नजर सापडत नाहीये.... कोणताही विचार करताना, डोळ्यासमोर तेच चित्रं येतंय. काहीतरी त्यात आहे असं मन सांगतंय.. अंदाज लागत नाहीये, काय असेल त्या चित्रात? गुलाबापरी कल्पना.......व्यक्त होेय नाहीये शब्दात.... हळू हळू त्यावरचा धूर्कटपणा आता कमी होऊ लागला आहे . चित्र काय आहे तेही समजू लागलं आहे. आपलंच ते चित्रं आहे..... ती बघण्याची नजर आता मिळाली आहे.... Written by_Om_Gaikwad

तुझ्यासाठी.... (A self-made poem)

तुझ्यासाठी .... काय लिहु मी, कसे लिहु मी.. तुझ्यासाठी.... लिहावे एवढे माझ्याकडे शब्द नाहीत. तुझ्या आठवणीत वेगळाच आनंद आहे. तुझ्यावर कविता करणे मजला छंद आहे. तुझ्यासाठी.. काय लिहु मी, कसे लिहु मी!!! जगातील सुदंर क्षण तुझ्यासोबत आहे.. जगातील दुःखाचा क्षण तुझ्यासोबत नसणे आहे. तुझ्यासाठी..... काय लिहु मी, कसे लिहु मी??? सोबतच्या काही आठवणीत , आयुष्याचा आनंदी वेळ आहे. मैत्री तुझी अशी मजला लाभली, जीवनाला वेगळीच दिशा मिळाली. तुझ्यासाठी.... काय लिहु मी, कसे लिहु मी??? ना या कवितेत शब्द रचले, ना या कवितेत सुर रचले, ही कविता तुझ्यासाठी, या आनंदमयी जीवनात अजुन एक सुंदर आठवणीसाठी... _Written by Om gaikwad

आमची शाळा

श्री गणेशा जिथे गिरवला, बे चा पाढा जिथे शिकवला जिथे विद्येचा अर्थ समजला, तीच आमची शाळा......!!! जिथे ज्ञानाची भूक भागली, अभ्यासाची गोडी लागली, जिथे यशाची चव चाखली, तीच आमची शाळा......!!! शिक्षक आम्हा असे लाभले, ज्यांनी आमचे हित जाणले, अशक्य जिथे शक्य झाले, तीच आमची शाळा......!!! जिथे स्वप्नांनी पंख फुटले, जिथे प्रगतीचे मार्ग सुचले, भविष्य जिथे उज्वल घडले, तीच आमची शाळा......!!! कोपऱ्यातील प्रयोगशाळा आणि ग्रंथालय म्हणजे शाळा, रोजचा रंगीत फळा म्हणजे शाळा, एक ठोका, दोन ठोके तर, टन टन वाजणारी घंटा म्हणजे शाळा, मैत्री भांडणाची जोड म्हणजे शाळा......!!! सकाळची प्रार्थना आणि दुपारचा भात म्हणजे शाळा, पाठीवर दप्तर आणि अंगात गणवेश म्हणजे शाळा, प्रत्येक विषयाचा एक नवा अंदाज म्हणजे शाळा, शिक्षकांच्या हातातील छडी म्हणजे शाळा......!!!!! उत्तुंग जगाकडे बघणारी केविलवाणी नजर म्हणजे शाळा, उरात साठवलेले असंख्य स्वप्न म्हणजे शाळा, आयुष्याच्या वळणावरच गोड स्वप्न म्हणजे शाळा, अशी माझी शाळा, अशी माझी शाळा......!!!💝 Written by_Om Gaikwad

कविता माझी साधी

कविता माझी खूपच साधी साधी मनातल्या भावना जपणारी.. मनाशी नाते ती जोडणारी कवितेच्या रूपाने भाव ती प्रकट करतांनी... मनातल्या स्वप्नांत ती रमणारी रममाण होऊन सन्मानाने ती उडणारी प्रेत्येत नर नारी पर्यंत पोहोचणारी... कवितेच्या रूपाने भाव ती प्रकट करतांनी कोणाचे गोड कौतुक करणारी बाळाची ती अंगाई गाणारी.. वसंत ऋतूत बहरणारी.. कवितेच्या रूपाने भाव ती प्रकट करतांनी... मनातले शब्द बाहेर निघते , निघुनी या कवितेत समावते सामावून आठवण बनते कवितेच्या रूपाने मनातले भाव प्रकट करते.... कविता माझी खूपच साधी साधी पण मनातल्या भावना जपणारी... Written by _Om Gaikwad